పోటీ

*
బెజవాడ బీసెంట్ రోడ్ లో అర్జునరావు , శేషగిరిరావు అనే టైలర్స్ ఎదురు బొదురు షాపుల్లో
ప్రశాంతంగా ఎవరి ఖాతాదారులకు వాళ్లు చక్కటి బట్టలు కుట్టి ఇస్తూ ఉండేవారు .కానీ
ఏమొచ్చిందో,ఏమో వారిద్దరి మధ్య మాటా మాటా పెరిగింది .పోటీ విపరీతం గా పెరిగింది .
ఎదుటివాడు మన్ను కొట్టుకు పోవాలని , పోటీలు పడి ధరలు తగ్గించటం మొదలు పెట్టారు .

ఒకరోజు ,

తన షాపు తెరుస్తూ అర్జునరావు ఎదుటి షాపు వైపుకి చూశాడు .అతని కళ్లు
నమ్మలేనట్లు కదలకుండా ఉండిపోయాయి.శేషగిరి షాపు ముందు ఇలా బోర్డ్ రాసి ఉంది

" ఒక జత (ప్యాంటు,షర్టు ) కుట్టుకులీ యాభై రూపాయలు మాత్రమే "

తరువాత రోజు ,

అర్జునరావు షాపు ముందు బోర్డ్ ఇలా రాసి ఉంది ,

" యాభై రూపాయలకు కుట్టిన మీ బట్టలు చక్కగా సరి చేసి ఇవ్వబడును "