వాటా

*
నగరం లోనే పెద్ద ధనవంతుడు కనకారావు , తన ఒక్కగానొక్క కూతురు అలివేలు ని ,
వేంకటాచలపతి కి ఇచ్చి రంగ రంగవైభోగం గా వివాహం చేశాడు .

తన ఇంటికి మొదటి సారిగా వచ్చిన అల్లుడిని అన్ని మర్యాదలతో సత్కరించి ,
కనకారావు అన్నారు ,

" అల్లుడు గారూ , నాకు కొడుకైనా , అల్లుడైన మీరే .నేను ఈ రోజు నుండీ నా వ్యాపారంలో
మీకు సగం వాటా ఇస్తున్నాను .మీరు రోజూ మన ఫ్యాక్టరీ లకి వెళ్లి అక్కడ జరిగే పనులను
గమనిస్తూ ఉండండి "

"నాకు ఫ్యాక్టరీలు అంటే అస్సలు పడవు . మిషన్ల శబ్దాలు నేను అసలు భరించలేను "

"సరేనండీ , పోనీ మన సాఫ్ట్వేర్ ఆఫీసుకి వెళ్లి అక్కడి పనులను అజమాయిషీ చేయండి "

"నాకు సాఫ్ట్వేర్ ఆఫీసులంటే చచ్చేంత బోరు .కంప్యూటర్ వంక చూసుకుంటూ ,అన్ని గంటలు
కదలకుండా కూర్చోటం నా వల్ల కాదు "

" మరి , మీకోసం ఏ పని చేయాలి నేను ? "

" మామయ్యా గారూ ! నా వాటా మొత్తం మీరు కొనుక్కోండి , చాలు "

2 కామెంట్‌లు:

మీ కామెంట్లను తెలుగు అక్షరాలలోనే రాయవలసిందిగా నా విన్నపం