పంచ కళ్యాణి

*
రేస్ కింగ్ రమేష్ కిలార్ కి గుర్రాలంటే తగని పిచ్చి .ప్రపంచమంతా తిరిగి మేలు జాతి గుర్రాలని
సంపాదించి తన పెరట్లో సాకు తున్నాడు వాటిల్లో తెల్లని మేని ఛాయా తో ఉండే పంచ కళ్యాణి
అంటే పంచ ప్రాణాలు .

దరిద్రుడు ఒకడు, పంచ కళ్యాణిని చూసుకోవటానికి ఆయన దగ్గర చేరాడు .పగలు,రాత్రి చాలా
జాగ్రత్త గా కంటి పాపలా కనిపెట్టుకు చూస్తున్నాడు.రమేష్ కి అలాగే సేవ చేస్తున్నాడు,ఆయన
దయ కోసం .

రమేష్ కి భూమి మీద నూకలు , టీవీ సీరియళ్ళు, ఫోను మాటలు అన్నీ చెల్లి పోయాయి .
తన వీలునామా రాయిస్తున్నాడు ,మంచం మీద పడుకొని లాయర్ తో . అన్ని రాతకోతలు
అయిపోయాయి.చివరిగా గుర్రాల విషయం చెబుతున్నాడు ,

"పాపం ఆ దరిద్రుడు రంగయ్య ఐదు ఏళ్ల నుండీ,పంచ కళ్యాణి ని,నన్నుబాగా చూసుకున్నాడు.
ఒక్క రోజూ డబ్బు కోసం కక్కుర్తి పడలేదు .నా పంచ కళ్యాణి ని వాడికి ఇచ్చెయ్యండి .బాగా
చూసుకుంటూ ఆనందపడతాడు "