రంగమ్మ

*
కనకం ఆత్రంగా గడియారం వంకా ,గేటు వంకా చూస్తోంది .తను మార్నింగ్ షో కు వెళ్ళాలి .
రెండురోజుల క్రితమే అడ్వాన్స్ బుకింగ్ చేసుకుంది , తన అభిమాన హీరో సుమన్
"ఉషా పరిణయం " సినిమా కు .చాకలి రంగమ్మ ఇంకా రాలేదు.

"ఎప్పుడు ఇంతే, అవసరమైనప్పుడే లేటు చేస్తుంది". పళ్ళు నూరుకుంటోంది కనకం .

అంతలో రంగి రానే వచ్చింది . బట్టలన్నీ మూట గట్టుకొని తీసుకు పోబోయింది .

అసలే చిరాగ్గా ఉందేమో , కనకం అరిచింది

"నీకేం పుట్టిందే , ఎక్కడకు పట్టుకు పోతున్నావు , ఉతికి చావకుండా ? "

"మీకు సినిమా కి టైమైపోనాది కదండీ .మా ఇంటి కాడ వాషింగ్ మిషన్ లో వేసి ,ఉతికి
పట్టుకొస్తానండీ. బేగెల్లండి , రీలు తిప్పేస్తాడు " చెప్పింది రంగి