పుట్టిన రోజు కానుక

*
ఇందుమతి , భర్త మనోజ్ తో అంది ,

"ఈ రోజు తెల్లవారుఝామున ,రేపు వచ్చే నా పుట్టిన రోజుకి మీరు రవ్వల చంద్ర హారం
బహుమతిగా ఇచ్చినట్లు కలొచ్చిందండీ .దీనికి అర్ధం ఏమిటి ? "

"రేపటిదాకా ఓపికపట్టు , నీకే తెలుస్తుంది " నవ్వుతూ ఆమె మొహం లోకి చూస్తూ చెప్పాడు
మనోజ్

సూర్యుడి వయసు ఒక రోజు పెరిగింది . ఇందుమతి పుట్టిన రోజు వచ్చింది

మనోజ్ ప్రేమగా అందంగా ప్యాక్ చేసిన బహుమతి ఆమె చేతిలో పెట్టాడు .ఇందుమతి ఆత్రంగా ,
ఆశగా , ఆనందంగా ప్యాకెట్ తెరిచింది .అందులో ,

అంబటిపూడి వారి "కలలు -వాటి ఫలితాలు " పుస్తకం ఉంది