పేకాట లాభం

*
పేకాట పాపారావు తన ఆఫీస్ లో కొత్తగా వచ్చిన కొలీగ్ గుర్నాధంను , పేకాట క్లబ్ కు ఒక రోజు బలవంతం చేసి లాక్కెళ్ళాడు.

గుర్నాధం మొదటి రోజు భయంతో పాపారావు కు వెనగ్గా దూరంగా కూర్చొన్నాడు .రెండో రోజు పక్కన చేరాడు .మూడో రోజు ముక్క కలిపాడు .ఆట సాగింది . వెయ్యి పోయింది .

క్లబ్ మూసిన తరువాత తప్పక ఇంటికి బయలుదేరుతూ పాపారావు ,

"గుర్నాధం గారు , పేకాటలో వెయ్యి రూపాయిలు పోయిందని తెలిస్తే చెల్లెమ్మ ఇంట్లోకి రానీదన్నారు కదా ,ఈ వెయ్యి ఉంచండి .రేప్పొద్దున తిరిగివ్వవచ్చు "

"పాపారావు గారు , ఇంకో వెయ్యి కూడా ఇవ్వండి , పేకాట లో లాభం వచ్చిందని మా ఆవిడకు చెబుతాను "