కవి(తా) తాపం

*
పెద్దన్నగూడెం యువజన వారోత్సవాలలో యువకవి మధురకలం కాళీ బాబు , మద మత్తేభాల వంటి తన కవితలను ,కంచు కంఠంతో గంటనుండి ఆపకుండా గానం చేస్తున్నాడు . వింటున్న ఒక శ్రోత లేచినుంచొని స్టేజ్ వైపుకు వెళ్ళసాగాడు .

అతను బాగా ఎత్తుగా , కండలు తిరిగిన శరీరం కల్గి ఉన్నాడు .చేతిలో దుడ్డు కర్ర ఉంది .నిమిషానికి 60 కిలోమీటర్ల వేగంతో కదులుతున్నాడు .అతను ఆ ఊరి వస్తాదు వీరభద్రయ్య .

రెండు అంగలలో స్టేజ్ పైకి ఎక్కి అటు ఇటు కోపంగా చూడసాగాడు .

అది చూసి కాళీ బాబు భయంతో, తన కవితా గ్రంధాలను అక్కడే వదిలి కాలికి బుద్ది చెప్పబోయాడు .

వీరభద్రం కాళీబాబును చెయ్యి గట్టిగా పట్టుకొని ,

" మీరు మీ పని కానివ్వండి .మిమ్మల్ని ఏమీ అనను .మీరు మా అతిధులు .నేను మిమ్మల్ని ఇక్కడకు ఆహ్వానించిన ఆ బేవకూఫ్, దగుల్బాజీ గాడి కోసం వెతుకుతున్నాను "