*
కండల వీరుడు వీరభద్రానికి చాలా టెన్షన్ గా ఉంది.ఎక్కాల్సిన బస్సు మిస్సైంది.
టైముకు వెళ్ళకపోతే జిమ్ము ఓనర్ వీర కుమ్మేస్తాడు.దెబ్బలైతే తట్టుకోవచ్చు,
కానీ ఇచ్చే కాస్త జీతం కట్ చేస్తే ,కొనుక్కోవటానికి రోజుకో కుళ్ళు కోడి గుడ్డు
కూడా రాదు.తనకు ఇష్టమైన కండలు ఐస్ క్రీంలా కరిగి పోతాయి.
ఇంతలో 11 వ నెంబర్ బస్సు,బస్ స్టాప్ కు 60 అడుగుల దూరంలో ఆగింది .
పరిగెత్తి బసెక్కి ఫుట్ బోర్ద్ పై నిలబడి,ఆయాసం తీర్చుకొనేలోగా ,కండక్టర్ వచ్చి
టికెట్ అడిగాడు .
వెంటనే వీరభద్రం తన కుడిచేతిని,ఎడమచేతి కండలపై వేసి టికట్ తీసుకోనన్నాడు.
బక్క పలచటి ఆ కండక్టర్ భయపడి మారు అడుగలేదు.
రెండో రోజు ,మూడో రోజు ఇదే స్టోరీ రిపీట్ అయ్యింది .
నాలుగో రోజు వీరభద్రం బస్సెక్కగానే ,రోడ్డు మధ్యలో బస్ ఆపి,గూండాలా ఉన్న
డ్రైవర్ వీరభద్రం చొక్కా పట్టుకొని ఉరిమాడు "ఏం నకరాలు చేస్తున్నావు ?,
రోజూ టికెట్ ఎందుకు తీసుకోవు ? " .
వీరభద్రం చొక్కా విడిపించు కొంటూ అడిగాడు వినయంగా, భయంగా ,
" బస్ పాస్ ఉన్నా టికెట్ తీసుకోవాలా సార్ "
ha ha ha
రిప్లయితొలగించండి:)
రిప్లయితొలగించండి