*
ఓ జీవశాస్త్రజ్ఞుడు తన పరిశోధన కోసం కొండలు ,గుట్టలు ,గుహలు ,గ్రామాలు
పట్టి తిరుగుతున్నాడు.చివరిగా తోకతో బతికిన మనిషి ఆనవాలు కనుగొనాలని
ఆయన ప్రయత్నం.కాళ్ళకు కట్టుకున్న బలపాలు అప్పటికి 20 కట్టలు
అయిపోయినాయి.ముందురోజు కొండ గుహలో గబ్బిలాల కంపుతో పడిన
ఇబ్బందిని గుర్తుచేసుకొని ,తనతో పాటు వచ్చిన గైడ్ ను అడిగాడు ,
" ఈ రోజు మనం చూడబోయే గుహలో గబ్బిలాలకంపు ఉంటుందా ? "
" ఉండదు సార్ " చెప్పాడు గైడ్ .
"ఏం ,ప్రభుత్వం చక్కగా నిర్వాహణ చేస్తోందా ? "
"లేదు , గుహలోని పాములే గబ్బిలాలను తినేస్తాయి "
దాంతో భయపడి ఆయన , దగ్గరలోని ఓ అందమైన ,పచ్చని ,పరిశుభ్రమైన
గ్రామం లోకి అడుగుపెట్టాడు.దాహం తీర్చుకొని గ్రామపెద్ద శంకర్ నాయక్ ని
గ్రామం గురించి వివరాలు అడిగాడు
" ఈ ప్రాంతం లో ప్రజలు ఎక్కువగా ఏ రోగాలతో బాధ పడుతుంటారు ? "
"మా ఉళ్ళో రోగాలు లేనే లేవు " అన్నారు శంకర్
"నిజంగానా "
"మేము అందరం పూర్తి ఆరోగ్యంగా ఉంటాము .గత 14 ఏళ్లగా మా గ్రామంలో
ఒక్కరు కూడా చనిపోలేదు "
" అదెలా సాద్యం ? " నోరు తెరిచాడు శాస్త్రజ్ఞుడు .
"క్షమించాలి .రెండు ఏళ్ల క్రితం ఒక మనిషి చనిపోయాడు . అదీ ఆత్మహత్య
చేసుకొని "
" ఆ వ్యక్తి గురించి వివరాలు చెప్పగలరా ? "
"ఆయన మా ఊరి డాక్టర్ రమేష్ గారండి.దరిద్రం భరించలేక ఉరి వేసుకున్నాడు "
:-) :-)
రిప్లయితొలగించండి