లేటు వయసులో

*
సుకన్య ,శ్రీనివాస్ తలమునకలయ్యేలా ప్రేమించుకొన్నారు.
పార్కులో వేరుశనగకాయలవాడు,వీళ్ళకు డిస్కౌంట్ ఆఫర్ తో
పాటు,మరో ఇద్దరు కుర్రాళ్ళను పనిలో పెట్టుకొన్నాడు
వీళ్ళకమ్మిన వాటి డబ్బులతో .

వీళ్ళ ప్రేమకు ఏ అడ్డంకులు రాలేదు,ముందే చూసుకొని
ప్రేమించటం వల్ల.ఒక్క విషయంలో తేడా వచ్చి విడిపోయారు.
అతనికి నటశేఖరుడు ఇష్టం.ఆమెకు రాజబాబు ఇష్టం.

వారికి పెళ్ళిళ్ళు అయినాయి.40 ఏళ్ళు గడిచాయి.ఈమధ్య కాలంలో
ఒకరినొకరు చూసుకొనే సందర్భం రాలేదు .

అనుకోకుండా ఒక రోజు ఒకరికొకరు ఎదురు పడ్డారు
ఉటీ రైల్వే స్టేషన్ లో

శ్రీనివాస్ : బాగున్నావా సుక్కు

సుకన్య : బాగున్నాను వాసు

శ్రీనివాస్ : ఇన్ని ఏళ్ల తరువాత నిన్ను చూసి మాటలు రావట్లేదు

సుకన్య : నాకు అంతే

మౌనం .........................

సుకన్య : వస్తాను , మా ఆయన అనుమానం గా చూస్తున్నాడు

శ్రీనివాస్ : సరే , మా ఆవిడ కూడా నన్ను అట్లాగే చూస్తోంది