నా కోరిక తీర్చొద్దు

*

కార్తీక్ , రమణి లకు కొత్తగా పెళ్లి అయ్యింది .ఇద్దరు కలిసి గడిపే సమయం

తక్కువ కావటం వల్ల కాపురం అన్న్యోన్యంగా సాగుతోంది .కార్తీక్ లేచేసరికి

రమణి మార్నింగ్ షిప్ట్ కు వెళ్ళిపోతుంది.ఆమె తిరిగొచ్చే టైముకు నైట్ షిప్ట్ లో

ఉంటాడు కార్తీక్ .వాళ్ల కాపురం చూసి ఆనందిద్దామని ,రమణి అత్తగారోచ్చి

ఓ నెలరోజులుండి వెళ్ళింది .తనూ ఏం తక్కువ కాదు కాబట్టి ,కార్తీక్ అత్తగారు

వచ్చి ఓ రెండు నెలలు గడిపింది .

వాళ్లు అటు వెళ్ళగానే వీళ్ళిద్దరి మధ్య కలతలు మొదలైనాయి .కలహంగా

మారాయి .మాటలు ఆగాయి .కక్షలు పెరిగాయి .

కార్తీక్ దేవుని ప్రార్ధించాడు :

"ఈ క్షోభ నేను భరించ లేను . నన్ను తీసికెళ్ళిపో "

అది విన్న రమణి , దేవుని ఇలా కోరింది :

"అతన్ని తీసుకెళ్ళటానికి ముందే ,నన్ను అతనికి దూరం చేయి "

వెంటనే కార్తీక్ దేవునితో అన్నాడు :

"ఆమె కోరిక తీర్చు చాలు .నా కోరిక తీర్చొద్దు "